മികച്ച കഥാപാത്രങ്ങളിലൂടെ മലയാളി പ്രേക്ഷകരുടെ ഹൃദയങ്ങൾ കീഴടക്കിയ താരമാണ് മിയ ജോർജ്. സീരിയലിൽ നിന്നും സിനിമയുടെ ലോകത്തെത്തിയ മിയ ചെറിയ വേഷങ്ങളിൽ നിന്നുമാണ് പ്രേക്ഷകർ ഇഷ്ടപെടുന്ന താരമായി മാറിയത്. മിയ വിവാഹിതയാകാൻ പോകുകയാണ്. എറണാകുളം സ്വദേശി അശ്വിൻ ഫിലിപ് ആണ് മിയയുടെ വരൻ. കഴിഞ്ഞ ദിവസം ഇവരുടെ മനസമ്മതമായിരുന്നു. കോവിഡ് ജാഗ്രതയുടെ ഭാഗമായ പ്രോട്ടോകോളുകൾ പാലിച്ചു വളരെ മിതമായ അതിഥികൾ മാത്രമാണ് ചടങ്ങിൽ പങ്കെടുത്തത്.
മാട്രിമോണിയൽ വഴിയാണ് വിവാഹാലോചന വന്നത്. വിദേശത്തു പഠനം പൂർത്തിയാക്കിയ ശേഷം നാട്ടിൽ തിരികെ വന്നു ഒരു കൺസ്ട്രക്ഷൻ കമ്പനി നടത്തുകയാണ് അശ്വിൻ ഇപ്പോൾ. സെപ്റ്റംബർ പന്ത്രണ്ടിന് ആണ് വിവാഹം നടക്കുക. കഴിഞ്ഞ ദിവസം നടന്ന മനസമ്മതത്തിന്റെ വിഡിയോയും ചിത്രങ്ങളും സോഷ്യൽ മീഡിയയിൽ വൈറലാണ്. മിയയുടെ നാടായ പാലയിൽ വച്ചായിരുന്നു മനസമ്മതം നടന്നത്.
